You are browsing the archive for 2014 May.

6 hilabete ondoren

%A %B %e%q, %Y in Aulki Hutsak

world tourAbenduan “jaio” ondoren, 6 hilabete egin ditu dagoeneko geure “umeak“, eta lehenengo balantzea egiteko unea iritsi da. Orain dela 2 asteko emanaldiarekin, Debagoieneko herri guzti-guztietan egon gara, batetik. 20. proiekzioa-solasaldia izan da, bestetik. Foro desberdinetan egon gara, bestela, kultura etxetan edo herri mailakoetan gehienez.

Osasun arloko emanaldiak ere egin izan ditugu, aditu artean, “Arinduz” Zainketa Aringarrietako euskal elkarteko jardunaldian Bilbon, eta Osasungoa Euskalduntzeko Erakundearen jardunaldian Donostian. Hain zuzen ere, Hego Euskal Herriko lau hiriburuetan egon gara, hiruna Bizkaia eta Gipuzkoakoetan, eta bana Gasteiz eta Iruñean. Azken honetan gainera bigarren emanaldi bat inprobisatu behar izan genuen hainbeste jende etorri eta gero.

Zinemaldi espezializatuetan ere egoteko asmoa geneukan, eta nolabait lortu dugu. XII. Giza Eskubideen Zinemaldiaren ziklo paraleloan egon ginen, Okendoko Kultura Etxean, zainketa aringarriak giza eskubide moduan ulertzen ditugulako. Udazkenerako, izena eman dugu “Cine Invisible” zinemaldirako, Bilboaldean proiektatzen dituzten film sozialena. Baita nazioarteko 56. Zinebi ezagunera ere, berriro Bilbon. Lekeitioko 37. Zine Bileran egoteko asmoa daukagu, baita Bartzelonako 2015eko Zinemaldian ere, hango Euskal Etxeak antolatutakoa.

Izan ere, maiatzaren amaiera honetan Euskal Herritik kanpoko jauzia egin dugu, Zaragozan eta Bartzelonan emanaldi bana eskainiz. Honek aldaketa kualitatiboa suposatu du, muga geografikoak ez ezik psikologikoak ere apurtuz, aurreiritziak eta balizko hizkuntza oztopoak gaindituz. Arlo honetan erreferentziazkoak diren adituekin bat eginez (Alba, Marta, Marisa…).

Hedabideetan ere presentzia zabala edukitzen ari gara, gaiak interesa piztu duelako seinale. Tabuak tabu, geure Lehen Mundu honetan heriotza ikus-entzunezin bihurtu nahi badute ere, jakinmina ez ezik honi buruz hitz egin eta entzuteko gogoa egon badagoela probatzen ari dira. Eta honengatik guztiarengatik pozik baino gehiago gaude, gogobeteta.

Jarraituko dugu.

Aldez aurretik

%A %B %e%q, %Y in Dolua

zazpikaleakJaio zaren lekukoa zara? Haurtzaroa igaro duzunekoa? Gabonek eta udako oporrek garrantzi handia zeukaten nire haurtzaroan, beste hainbat umeren bizitzetan daukaten moduan. Eta une zoragarri horiek Bizkaian pasatzen genituen guk, Leioan eta Lekeition. Eta Bilbo? Konstante bat izan zen denbora hartan guztian: Bilbokoa zen aitak lan egiten zuen bankua, Diasporan bizitzeko bideratu gintuena bestalde. San Mamesen ikusi nuen nire lehenengo futbol partida, bizitzak aurreko espaloira eraman ninduen arren. 1983ko uholdeen lekuko mutua eta izutua izan nintzen. Geroxeago Aste Nagusiak Sanferminek baino hobeto harrapatu ninduen. Eta euskara gipuzkoarren kontua omen bada ere, eduki ditudan irakasle ia guztiak bizkaitarrak izan dira.

Orain dela 18 urte egunerokoa da Bilbo nire bizitzan. Lehenengo lantokia, lehenengo etxe propioa. Maiderrekiko harreman ia osoaren zaindaria. Pello eta Aioraren sorlekua. Familiaren topagunea eta lagun taldearena. Hainbat (eta hainbat) bizipenen eszenatokia. Etxea maiuskulaz. Euria, burdina eta rokanrola. Galdutako zirimiriaren hiria, zazpikaletarra, nirea.

Eta laster “sarri arte” esan behar, beste dolu bat. Badakit itzuliko naizela behin eta berriz, aitzakiak ez dira faltako. Akaso handitan Pello eta Aiora ere bai, ikastera edo dena delakora. Eta auskalo zer nolako erreferentzia izango da beraientzat, bihotzetik zenbat, burutik zenbat. Baina aldez aurretik mila esker hor egoteagatik. Beti.

Bigarren mailako errepideetatik (2)

%A %B %e%q, %Y in Aulki Hutsak

leintzgatzagaAntzuolatik hurrengo geralekuko herri txikira, aulki hutsetako trenak hainbat geltoki pasatu ditu dagoeneko. Azkena geltoki handia eta ederra izan da. Jende mordoa montatu zen, aste honetako herri txikiaren biztanle guzti-guztien erdia baino gehiago. Aurretik geltoki are handiagoak ditugu zain, goruntza begiratu eta zorabiatzeko modukoak. Beste helmuga batera iristeko trenaren ordez hegazkina hartu beharko dut, baina hori irailean izango da.

Etzi Leintz bailarako burua daukat zain. Dorletako inguruneak ezagutzen ditut, santutegia eta Arlaban aldeko bestea. Behin lagun batzuekin nahastuta ibili nintzen, eurak batean eta neu bestean. Gatzaren museoa zain daukat ordea, baina hori ez da etzi iritsiko, akaso datorren astean baizik. Bigarren mailako errepideetatik joango naiz orduan Gipuzkoako herri txiki honetatik beste batera, Arabako herririk euskaldunenera.

Featuring WPMU Bloglist Widget by YD WordPress Developer

Skip to toolbar