Mandarinak gudaren erdian

%A %B %e%q, %Y in S(u/a)minetik bakera, Zineman

TangerinesGeorgia da SESBetik sortutako errepublika bat, geografikoki Turkia eta Errusia artean kokatutakoa. Herrialdeko mendebaldean, Abkhaziako lurralde autonomoa dago, Itsaso Beltza eta Kaukasoko mendien artean. 1992 eta 1993 artean guda piztu zen independentziaren eta batasunaren aldekoen artean.

Estonia beste errepublika sobietar ohia da, Itsaso Baltikoaren kostaldean kokatutakoa, Finlandiatik gertu. 1.500 km dago bateko hiriburutik bestekora, Tallindik Tbilisira. Berez, distantzia handia kulturalki eta geografikoki. “Tangerines”  (Zaza Urushadze, 2013) herrialde bien artean ekoiztutako pelikula da, eta hain zuzen ere kontatzen du orduko gerraren erdian bi gizon baserritarren istorioa. Gatazka lehertu zenean, gutxiengo estoniar bat bizi zen abkhaziar lurralde haietan, eta euretako gehienek alde egin zuten ihesean. 

Filmeko bi protagonista, hala ere, bertan gelditu ziren. Eta, luze barik, euren bizimodu baketsua bete-betean astindu zuen gerrak. Bata arotza, eta bestea fruituzaintzailea (mandarinondoen zaintzailea, filmaren izenburua hortik dator-eta). Bando bateko eta besteko soldadu bana amaituko dira arotzaren etxean, zaurituta. Bi gizonen artean zainduko dituzte eta, errekuperatu bitartean, bi soldaduen artean tira-birak sortuko dira.

Bakearen aldeko filma da hau, gerraren absurdokeriak agerian uzten dituena. Zaila egiten da, momenturik gorenean, zeintzuk dira bando batekoak eta zeintzuk bestekoak ulertzea. “’71”  film irlandarra gogora ekartzen du, zentzu horretan. Pelikula xumea eta mezu zuzenekoa, musika doinu ederrak ekartzen dituena. 

Milesker Jabi B, gomendioagatik.

2 responses to Mandarinak gudaren erdian

  1. Paradoxa da Abkhazia bake eta askatasuna sentsazioa ematen duten mendi ikusgarriz inguratutako leku izatea,eta, aldi berean, horrenbestetako indarkeria duen eszenatokia izatea. Elkarbizitzerako ikasgaia da filma. Dena musika onaren laguntzarekin. Baina gerra orotan beti daude alboko kalteak, hemen bi baserritarriek gerratik ez ihes egiteko duten arrazoia ez da mandarinak biltzea, baizik eta lurrari errotzea, izan ere, haientzat jabetza bat baino, gehiago da, beren identitatea da eta ez diote inori kentzen utziko. “Tangerines” -ek beste bati gogoratzen dit. “NO MAN’S LAND”(2001).(TIERRA DE NADIE).DANIS TANOVIC. Balkanetako gatazkari buruzko filma da, serbiar bat eta bosniar bat lubaki batean harrapatuta geratzen direnean. Baina beste ikuspuntu batetik egina dago, umore beltzetik. Oso istorio sinplea baina ziur ez zaitutela axolagabe utziko.

  2. Egia, ikusita daukat. Bikaina “No man’s land” ere.

Leave a reply

Your email address will not be published. Required fields are marked *

Featuring WPMU Bloglist Widget by YD WordPress Developer

Skip to toolbar