You are browsing the archive for Beste terapia batzuk.

Errukiz eta irrikaz

%A %B %e%q, %Y in Beste terapia batzuk, Humanizazioa, Onkologikoak, Onkologikoak ez direnak, Osatzetik Arintzera

BatzordeAntolatzaileaSECPAL2018Ez gaude denok argazkian, baina gauden denok bagara SECPAL 2018ko batzorde antolatzailearen kideak. Aurreko post batean komnetatzen nuen zein esperientzia ederra izan diren biltzarraren aurreko asteak eta antolatutako kultura ekitaldiak eta bestelako jarduerak. Bada kongresoa bera ere disfrutatzekoa izan da.

Hasten baldin bazara musikoterapiaren ikastaro on batekin, Patxi del Camporekin. Segitzen baldin baduzu Eduardo Brueraren ongi etorriko hitzaldiaren, hasierako euskarazko hitz haiekin Bruce Springsteenen moduan, ganoraz, ez “gabon” edo “kaixo” herabe soilekin. Ederra forman eta edukian, betiko moduan, ezinbesteko ezaugarriarekin batera: umorea.

Arinduz.

Jarraitzen baldin baduzu kooperazioari buruzko mahai inguru batekin, Arinduz 2017ko hariari jarraituz, Liliana de Lima eta Tania Pastranaren eskutik, Latinamerika Europa jauregira ekarrita. Geroago osatzen baduzu hiri errukitsuen inguruko mahai inguru eder batekin, Silvia Librada, Xavier Gómez-Batiste eta Patxi del Camporekin. Kateatzen baldin baduzu Phil Larkinen hitzaldiarekin, gure esparruan erizainek duten protagonismoa azpimarratu zuena. Borobiltzen baldin baduzu zainketa intentsiboak eta aringarriak ederki lotzen zituen mahai inguruarekin. Eta azkenik errematatzen baldin baduzu Rafa Motaren “Metamorfosia” dokumentalarekin eta ZAetan boluntarioek egiten duten lanari buruzko hitzaldiarekin.

Errukiz.

Gehitzen baldin badiezu Famobilen Clickekin egindako diorama bat, bizitzaren azken fasearen tarteak ondo deskribatzen zituena. Gasteiz Big Band-en ostiraleko kontzertu zoragarria. Leku askotako lankide eta lagunekin izandako topaketak. Eta, biltzarretik kanpo bada ere, Baskoniaren arrakasta saskibaloiaren ligan.

Irrikaz.

 

 

Gaurtzaroan (2)

%A %B %e%q, %Y in Beste terapia batzuk, Bizi gara!

dervicheMindfulness budismoaren bidean oinarrituta badago ere, apur bat aldentzen baldin bagara beste eredu interesgarriak ere topatuko ditugu. Islamismoan adibidez badaude mistizismoan eta aszetismoan murgiltzen direnak, sufismo korrontekoak alegia. Eta hor barruan misterioa irudikatzen duten derbitxe edo derbixe dantzariak, trantzean sartuta borobilak marrazten dituztenak biraka eta biraka. Batez ere Turkian, Balkanetan, Afganistanen edo Indian finkatutako tradizio luzea dute, XVI. mendetik datorrena.

Izan ere, garai hartakoak dira meditazio kristaua, mistika eta kontenplazioaren erreferentzia nagusiak: Frantzisko Saleskoa, Inazio Loiolakoa, Joan Gurutzekoa eta Teresa Ávilakoa. Isiltasunean sustraituta hauek, musikan eta dantzan besteak, gaur egun meditazioa edo arreta osoa lantzeko hiru osagaiak dira: isiltasuna, musika eta dantza hain zuzen ere.

Kostalde honetan lehenengo esperientzia pixka bat jarraitua eduki dut mindfulness-ekin, Jon Kabat-Zinn-en testuak irakurri eta sarritan intuitiboki lehen egindako praktikei zentzu gehiago eman, arreta gehiagorekin. Kostaldea horretarako leku aproposa da, itsasoa eta mendia bertan edukita, eta gakoa “gaurtzaroan” apur bat gehiago murgiltzean eta iraganalditik eta etorkizunetik deskonektatzean dago.

Musikoterapia zaintzaileen ikuspuntutik

%A %B %e%q, %Y in Artikuluak, Beste terapia batzuk

musikoterapia2“Medicina Paliativa” aldizkariaren azken zenbakiak dakar Madrilgo San José Fundazioak egindako artikulua, Evaluación de un programa de musicoterapia en una UCP. La perspectiva de los cuidadores” izenburupean eta Mireia Serrak, Vicente J De Luisek eta Jordi Vallsek sinatuta. Artikuluaren arabera, musikoterapia aintzat hartzen dute hala Society for Integrative Oncology elkarteak nola Office of Cancer Complementary and Alternative Medicine bulegoak. Erabilgarria da sintomak kontrolatzeko, besteak beste mina, botagura eta antsietatea. Besteak beste Cochranek sostengatua. Artikulu zehatz honetan, zaintzaileak kontuan hartu dituzte, beti ere proportzioa ia 2:1 dela emakumezkoen alde eta zuzeneko musika erabili dute. Sostengu emozionala eta erlaxazioa izan dira emaitza on nagusiak honen arabera. Eta iruzkinen artean hauek:

  • Senideak ere zaintzearren eskerrak ematea“.
  • “Bere alderik alaiena ateratzea, ezkututa zegoena”.
  • “Nire aitari ez genion sekula kantatzen entzun”.
  • “Gitarra jotzen hunkitu egin da, gure haurtzaroa berreskuratu du”.
  • “Atzamarretan berreskuratu du mugikortasuna gitarra jotzean”.
  • “Musikak laguntzen du arima sendatzen eta bakea ekartzen”.
  • “Gauean galdetzen du aitak noiz etorri behar den arparena”.

Bestela, uztailak 11tik 13ra antolatu dute Gasteizen udako eskola IMAP institutuak, “30 urte historia elkarrekin eraikiz” izenburuarekin.

Azkenik, musikarekin lotuta baina ez musikoterapiarekin, hemen “Support after Suicide” australiar elkarteak egindako bideo ederra. “You’re Not Alone“.

Ondo amaitu asteburua!

Gaurtzaroan

%A %B %e%q, %Y in Beste terapia batzuk, Bizi gara!, Sarean

orainaldiaBizitzera gonbidatuta, horrela gaude Jose Mari Pastorrek ederki gogorarazten digun bezala gaurko egunkarian. Orain eta hemen bizi, semea kirolean larunbat goizean ikusi, lagun duzun bertako abeslari baten azken diskoaren aurkezpen kontzertura joan larunbat arratsaldean, konpainia onean. Mendira edo itsaso aldera joan. Kiroldegira joan, terapia moduan, Samara Veltek ere gaurkoan idatzi digunez. Heriotzaren beldurrari aurre egin heldulekuen bidez. Alboko Esklerosi Amiotrofikoaren aurrean edo gaixotasunik gabe ere.

Haurtzaroan baino gaurtzaroan bizi, Zakilixutek iradoki digunez aste honetan. Badagoelako zoriontasuna umezarotik at ere bai. Triste bizi gaitezkeelako edo erdi pozik, bide bi, lagun duzun bertako abeslariak kantatzen digunez.

 

Musikoterapia gehiago

%A %B %e%q, %Y in Beste terapia batzuk

Juanma Murillo musikoterapeuta da, Madril aldean antza denez, eta gaur ezagutu ditut bere bloga eta apur bat bere lana Facebook-i esker. Kuxkuxeatzen, behean agertzen den animaziozko lan laburra topatu dut. Delicatessen mokau bat, emozioak eta musika konektatzen dituen ipuin laburra. Zelan bilatzen ditugu errudunak kanpoan geure barnera begiratu barik. Edo zelan kentzen ditugun gainetik gauza zaharrak, beti gauza berrien bila, etengabeko dikotomiak.

Carla Jiménezek egindako lana da ikus-entzun ahal duzuen hau:

Hemen eta orain

%A %B %e%q, %Y in Beste terapia batzuk

mindfulnessLarregizko oroimina dakarrelako iraganak eta etorkizuna galdera ikur erraldoia delako: Mindfulness. Eta 10 modu egunero praktikan ipintzeko:

  1. Zentzu fisikoekin konektatzea eguneroko gauza arruntak egiten: Adibidez harrikoa egitean xaboiaren usaina hartzea, ur beroa sentitu.
  2. Arreta eskaini arnasari mantso-mantso.
  3. Jan poliki, zaporeak dastatuz, usainak hartuz, janarien formak ikusiz.
  4. Ibili kanpoaldean baina zeure pentsamenduak eta emozioak lasai aztertuz. Mendian ahal bada, askoz ere hobeto.
  5. Ekintzen artean etenaldiak hartu. Ez hartu telefonoa arrapaladan. Arnasa hartu hitz egin baino lehen…
  6. Entzun bihotzarekin. Norbaiti. Naturari.
  7. Emozioak eta sentimenduak desberdindu.
  8. Murgildu zaitez egiten asko gustatzen zaizkizun gauzen jarioan.
  9. Egunero hartu minutu batzuk meditatzeko. Mendian, aukeran, bikain.
  10. Errutina aldatu, aldatu egunerokoaren ordena, gauza berriak egin.

Hemen eta orain dela gutxi irakurrita: “10 Easy Ways You Can Practice Mindfulness Every Day”.

Bakea topatuta

%A %B %e%q, %Y in Beste terapia batzuk, Dolua, Literaturan, Mendian

EspedizioaMadariagaPoeta bilbotar bat munduko tontorrik goienetan. Shisha Pangman. Barne bidaian. Tontor guztien pisuaz. Menditerapian. Txalaparta, 2015.

Everesten, Peter Boardman eta Joe Tasker mendizale britainiarrak 1982ko maiatzean hil zirela kontatzen digu Juanra Madariaga idazleak, besteak beste. Urte hartako udazkenean bertan “bi eskalatzaileen neska-lagunek bidaia luze bati ekin zioten lurraren eta arimaren labirintoetan barna, eta Everest erraldoiaren oinetara joan ziren heriotza haiek asumitu ahal izateko”.

Maria Coffeyk, Joe Taskerren alargunak ondoko letra hunkigarriak idatzi zituen:

“Lainoak Chomolungmaren erpina ikusten utzi zigun baina ez haren horma. Joatear geunden, baina biok minutu haietako baretasuna behar genuen menditik jaitsi baino lehen, gure pentsamenduek sosegu har zezaten. Musu bat bidali nuen harantz eskuarekin eta buelta eman nuen.

Bat-batean, arrano bi ikusi genituen, goranzko korronteetan zintzilik. Pete eta Joe dira, pentsatu nuen. Eternitatea pasatzeko leku ona”.

PD.- Gaurko egunez duela zortzi urte aita hil zen. Bakea topatuta.

Gidatutako Irudia eta Musika

%A %B %e%q, %Y in Beste terapia batzuk, Osatzaile zauritua

GIMGuided Image and Music (GIM) Helen Bonny-k AEBetan eta 1970eko hamarkadaren amaieratik abiatutako teknika da, nork bere burua hobeto ezagutzeko bidaia moduan aurkeztuta, barneko mundua osatzekoa eta inkonszientean gelditutako oroitzapenak bideratzekoak. Terapia hau erabiltzen da helduongan mina, antsietatea, tentsioa eta estresak eragindako sintomekin. Honen bidez, sentimenduak azaldu eta baloratu egiten dira, portaera moduak aldatu, liskarren artean erabakiak hartu, nork bere buruarekin konfiantza gehiago eduki eta ongizate orokorraren egoera indartu.

GIM terapia ordu eta erdiko sesioetan egiten da: hasieran elkarrizketa batekin, kezka iturri den gaia identifikatzeko, saio bakoitzean gai batean zentratuz. Ondoren, gidatutako erlaxazioaren bidez pertsona prest egongo da musikaren estimuluak jasotzeko, terapeutarekin konpartituz eragindako sentsazioak. Musika amaituta bizitako esperientzia komentatzen da eta islatzen da irudien bitartez. Hau guztia interpretatuz, klabeak ematen dira bizitzan aldaketak eginahal izateko.

Info+: “Association for Music and Imagery”.

Entzuteko: Spiegel im spiegel” (“Ispilua ispiluaren barruan”).

Profile photo of admin

by admin

Tontorrarekin hitzordua

%A %B %e%q, %Y in Beste terapia batzuk, Dolua, Literaturan, Mendian

citaconlacumbreMendian sarritan bat egiten dute biziminak eta heriotzak, batik bat muturreko egoeretan. Menditerapiaz hitz egin genuen beste post hartan, biziminez bete-betean. Eta heriotzaz, doluaz mendian, “Lehoinabarraren aztarna” dokumentalaren aipamenarekin eta “Mendiminez” liburu gomendagarriaz.

Juanjo San Sebastianek idatzitako beste liburu honetan (Desnivel, 2005) bizimina eta heriotza uztartuta datozkigu, adiskidetasuna letra larriz agertzen delarik, zehazki Juanjo eta Atxo Apellanizen artekoa, azken hau K2 tontorretik berarekin batera jaistean hil egin zena. Pasarte batzuk bereziki esanguratsuak iruditu zaizkit, hona ekarriko ditudanak jatorrizko gazteleraz:

“Once años es un plazo generoso para poder constatar la fragilidad humana. Había perdido a mi abuelo, a mi padre y a más de 10 amigos cercanos en accidentes de montaña ocurridos en ascensiones en las que yo no participaba. Había visto morir a varias personas en la montaña, pero nunca a un amigo. En 1994, por primera vez, pensé que la china le podría tocar a alguno de los amigos que iban a subir conmigo. Por primera vez, también, pensé que podía tocarme a mí”

“Concluyo que nada de esto que hacemos tiene el menor sentido. No porque muramos, sino por el dolor que podemos llegar a provocar en quienes nos quieren”

“Más que las muertes me ha impresionado el sufrimiento de los que quieren a quienes han muerto. ése siempre es impresionante, sobrecogedor, desgarrador, y parecido entre sí”

“Nunca he sentido ese ‘síndrome del miembro fantasma’ tras las amputaciones de varios dedos. No me ocurre lo mismo con Atxo, cuyo vacío puedo conservar ahora, exento de dolor. Si se pudiera inventar alguna clase de estimulador o artilugio que llenase esos huecos, no me lo pondría jamás.

Porque así puedo acariciar ahora esos espacios vacíos como antes acaricié sus relieves rellenos. La muerte, y más aún cuando sucede antes del plazo “normal”, es más desasosegante, más trágica que el agotamiento de una pasión, pero tiene en común algo tremendamente contundente: no tiene remedio”.

Mila esker Patxi liburua uztearren!

Musika eta oroimena

%A %B %e%q, %Y in Beste terapia batzuk, Onkologikoak ez direnak

musikaoroimenaDan Cohen Music & Memory” erakunde estatubatuarraren sortzailea da, 2010etik Alzheimerren gaixotasuna edo bestelako asaldura kognitiboak dituzten pertsonekin lan egiten dutenak musikarekin harrremanetan ipiniz eta erantzunak aztertuz. Michael Rossato-Bennett-ek jarduera hau jaso zuen iaz egindako dokumental arrakastatsuan, “Alive Inside” izenburukoa. Ildo beretik, Espainian (Granada) egindako beste ekimen bat jaso dute bideo batean, oihartzun handia edukitzen ari dena Sarean.

Onkologikoak ez diren gaixo aurreratuekin egindako terapia hauek guztiak, sendagarriak izan gabe ere aringarriak suertatzen dira kasu askotan, eta zorionez gero eta arreta gehiago ipintzen da haiengan, euren bizitza kalitatea hobetzeko helburuarekin.

Interes honen islada da SECPALen aurtengo jardunaldien ardatza, gai zentrala kronikotasun aurreratua izanda. Azaroan Valentzian.

“Remember Me” (Blue Boy)

Featuring WPMU Bloglist Widget by YD WordPress Developer

Skip to toolbar