You are browsing the archive for 2016 六月.

Anochece en la India

%x %A in Onkologikoak ez direnak, Zineman

anocheceenlaindiaJuan Diegok haragiztaturiko elbarritasuna, bakardade opiomanoa, inpotentzia, dolua eta amodioa, iraganaldirako egindako barne bidaia. Eta hala ere zaintzaile samaritarra, Clara Voda errumaniarrak interpretatuta. Giza miseriei buruzko pelikula espainiar polifonikoa, gazteleraz eta errumanieraz, komunitate etorkin txinatarrarendako begirada batekin, Turkian eta Indian errodatutako pasarteekin. Chema Rodriguezek zuzenduta eta idatzita, zati bat Suediak diruz lagunduta.

Baleko lana, lagundutako suizidioa tartean jorratzen duena. Ez dago hainbeste film honi buruzkoak, eztabaida gizartean dagoen arren. Gure zainketa aringarriak ez dira pertsona guztiengana iristen, eta horrela gertatzen da pertsona batzuk ez dutelako geure modua hobesten, pertsona batzuk bestelako bideak aukeratzen dituztelako.

Info+.

Hasierarako itzulera

%x %A in MikroIpuinak, Onkologikoak ez direnak, Zaintzaileak

ilargiaGauero legez ogera lagundu eben, nahiz eta gau hori desbardina izan. Ilusio guztiagaz sartu zan ogean Begoña Bilbao, jausitako hortza burukoaren azpian kontu handiz lagata, beste hainbatetan egin bezala. Abizen arrunteko aspaldiko sagua orduan, teilatuko Maritxu gona gorriduna gaur: “Eutsi hagin zaharra”, mantra baten moduan, “eta ekarri barrixe”, lokartu arte errepikatu, “eutsi hagin zaharra”, behin eta barriz, “eta ekarri barrixe”, ostera be…

Lo, Izaskun Ibarra zaintzaileak hurrengo goizean horrela topatu eban, irribarrea ezpainetan. Arretaz pakete txiki bat almohadapean utzi eta hortz zaharra eroan. Burua ez da erabat galtzen, beti gelditzen da guardian neuronaren bat, zubi lanak egiten iraganaldiagaz, edo hori esaten dau behintzat Itziar Deba medikuak.

Horregaitik musika.

Ivan Ilitxen irakaspenak

%x %A in Dolua, Literaturan, Sarean

tolstoi130 urte igaro dira Lev Tolstoi-k klasiko handi hau idatzi zuenetik, eta orduko medikuek hilurren dauden gaixoengan erakusten zituzten jarrera urrunak ez dira hain desberdinak gaur egun. Senideen artean isiltasunaren konspirazioa ere nahiko antzekoa. Eta bitartean gorriak ikusten bakardadean, morfina bai baina giza berorik ez…

Tolstoiren liburutik Andu Lertxundiren blogera: Baldar gabiltza dolumin hitz egokiak asmatu nahian. Formula zaharrekin eroso ez, eta azkenean doluan dagoenarengana hurbiltzeko adorerik gabe. Batzuetan, zorionez, umore beltzak desblokeatzen du kontua, eta berba egokiak baino erabat lekuz kanpo dagoen zerbait botatzen dugu, irribarrea ekarri dezakeena behintzat. Esate baterako, “Gaitz erdi!” Mundiala!

Heriotza errituekin ere blokeatuta xamar gaude azken urteotan, “monoteismoan fedea galdu genuenetik” hain zuzen ere, Hedoi Etxarte-k zutabe bikainean apuntatzen zuenean bezala, bidenabar hileta zibil baten adibide ederra konpartituz.

Denen ixtorioak, Joxerra Garzia-k ederki idatzitakoa: “Heriotzari buruzko gure esan-idatziak topiko errepikatuak izan litezke, baina gertuko heriotza batek eragiten dizkigun sentipenak aldiro berriak dira.”

“Topikoak topiko, hainbeste zor diegu gure hildako kuttunei”. Hain zuzen ere, Joxerra.

Adiorik Gabe

%x %A in Antzerkian, Dolua, Suminetik bakera

adiorikgabe90 minutu, lau atal, lau artista: Joxan Goikoetxea, Mireia Gabilondo, Teresa Calo eta Iñaki Salvador. 3 ekitaldi Antzoki Zaharrean uztailean, irailean eta azaroan. Donostiako 2016 kultura hiriburutzaren barruan.

Gune bat indarkeriek eragindako doluak jorratzeko oroimenetik, emozioetatik, bakean. Literatura,antzerkia eta musikatik. Hitzak eta hotsak oroibide.

In memoriam:

Mikel Zabalza Garate

Juan Manuel Gartzia Cordero

Garrido-Velasco familia

Eugenio Olaciregui Borda

Tomas Alba Irazusta

Enrique Casas Vila

Geronimo Vera Garcia

Aureliano Calvo Val

Santiago Oleaga Elejabarrieta

Francisco Javier Gomez Elosegui

Maria Jose Bravo del Valle

Angel Jesus Mota Iglesias

Info+: “Heriotzaz harago dagoen bizitza”.

Psikologia, errehabilitazioa, etxeko ospitalizazioa eta zainketa aringarriak Neumologian

%x %A in Onkologikoak ez direnak

COPDMasterclassNeumologian ere gauzak aldatzen ari dira. Aspaldiko partez mota honetako foroetara joan barik, ostiral eta larunbatean Madrilen egon naiz BGBK-ren inguruko ikastaro batean, Europa mailako adituek emandakoa. Besteak beste, bi hitzaldi interesgarri ikus-entzun ahal izan nituen “zainketa aringarriak” modu agerian aipatuz.

Alde batetik, Mark Elliott (Leeds, UK) neumologoak “Non-invasive ventilation in the acute and stable COPD patients: for whom, when and how”  hitzaldia eman zuen, eta bertan ahalegin terapeutikoa murriztea edo egokitzea  naturaltasunez planteatu zuen kasu batzuetarako(“sometimes enough is enough”), baita honi buruzko artikulu bat konpartitu ere.

Aurreko egunean, halaber, Josep Roca (Barcelona, CAT) ildo beretik ibili zen (“How to detect exacerbations?”), plan kliniko integralak, telemedikuntza, errehabilitazioa, etxeko ospitalizazioa eta zainketa aringarriak nabarmenduz. Izan ere, NEXES project izeneko egitasmoa abian ipini dute nagusiki Katalunian, Grezian eta Norvegian, KronikGuneren zuzendaria ere bertan dagoelarik. Halaber, Dr. Roca-k “Pulmonary rehabilitation before, during and after exacerbations”  eman zuen tailer moduan ikastaroan, eta beste pare bat interesgarriak izan dira egun hauetan: “Hospital-at-home for COPD exacerbations” (Claus Vogelmeier, Marburg/D) eta “Physical and psychological consequences of exacerbations” (Nicolas Roche, Paris/F eta José Luis López-Campos, Sevilla/E).

Egia esan, oso pozgarria da sintomei eta arlo psikologikoari buruz ere ikus-entzutea foro hauetan, eskala pronostikoak eskuragarri edukitzea (BODE), identifikatiboak (NECPAL), disnearen neurtzaileak (MMRC), bizitza-kalitaeari buruzko galdetegiak (SGRQ) eta abar. Telemedikuntzari dagokionez, Gurutzetako Etxeko Ospitalizazioan egon nintzenean “TELEPOC” proiektuaren nondik norakoak ezagutzeko aukera eduki nuen adibidez, Errehabilitazioa eta Neumologiaren artean burututakoa bertan eta Galdakaon.

Ezagunak dira halaber Donostia Ospitalean azken urteotan abiatutako taldea  Ebidentzian Oinarritutako Medikuntzaren inguruan, Joxe Artetxe eta kolaboratzaileena Barne-Medikuntzaren barruan, BGBK duten gaixoak barne. Halaber geroxeago martxan ipinitako paziente pluripatologikoen programak EAE-n zehar, azken finean bizitza-kalitatea bilatzen dutenak eta gaixotasun kronikoen fase aurreratuetan aplikatutakoak kasu gehienetan, BGBK duten gaixoak barne.

Gauzak eta pertsonak mugitzen ari dira.

Info+: Recomendaciones sobre Atención al final de la vida en pacientes con EPOC.” (Normativa SEPAR 2009).

Featuring WPMU Bloglist Widget by YD WordPress Developer

跳至工具栏